السمبوسك او السمبوسة
السمبوسك واختلفت الاقاويل عنها السمبوسة والسنبوسك والكلزوني والفطاير الهشه مسميات كتير ليها بطعم مبهر حقيقي ،ومحبوبه للاطفال والكبار.
للسمبوسك اكتر من طريقة
عجينه الفطير
عجينة باضافة النشا
عجينة بالبيكنج بودر
🌷🌷🌷🌷🌷🌷
الطريقة دي بعجينة الفطير
 |
| السمبوسك |
الميزة فيها انها ممكن تتخزن من غير ماتشرب زيت لما تتقلي بعد التخزين .
المكونات :
٤ كوب دقيق
ذرة ملح
٢ معلقة كبيرة سكر
ماء للعجن
مكونات بسيطة جدا
🌷🌷🌷🌷🌷
طريقة التحضير
⬇️⬇️⬇️⬇️
نخلط كل المكونات الجافه معا.
نضيف الماء حتي تتكون عجينه متماسكة بيضاء.
من الخطوات المهمه تدليك العجينه فيما لا يقل عن ١٠ دقائق ،ودا عشان يظهر عرق الدقيق في العجينه وتبقا متماسكه واحنا بنفردها متتقطعش .
هنسيب العجينه ترتاح ساعه او اكتر لتسهيل عملية الفرد.
وتبدأ نفرد بالدقيق
وبعدين نكمل بالزيت لحد مايظهر الرخام من تحت العجينه كما موضح بالصورة
هنا هتفرق الخطوات عن الفطير العادي .
هنلفها رول طويل علي بعضه متخيلين عدد الطبقات والتوريقات لما نلفها رول كدا .
زي ما هو واضح بالصورة كدا نقدر نخزنها بالشكل دا .
واسحب منها في اي وقت التشكيل بقا .
هناخد جزء من الرول بالشكل دا ونتنيه علي نفسه وبعدين
نفرده بالدقيق بالشكل دا
ونبدء نضيف الحشوات حسب الرغبة سواء حلو او حادق .
وهنقفلها بفرشة ميه وبعدين نقطعها براحتنا ممكن مثلثات او مربعات حسب الرغبه وممكن نقطعها مدورة بكوباية او قطعات .
المتاح طبعا معاكي .
هتتقلي في زيت غزير سخن وناخد بالنا لانها بتاخد لون بسرعة جدا .
هنطلعها تتصفي وبعدين نقدمها علي مناديل مطبخ
- 🌷 وبالف هنا 🌷
تعليقات
إرسال تعليق