مطبخ مستكة

الكبده الاسكندراني الوصفة من علي العربيه   🍲 نوع الوصفة: أطباق رئيسية  ⏱ مدة التحضير : ١٥ دقيقة ⏱ مدة الطهي : ١٥ دقيقة  المكونات : ٣٠٠ جم كبده  ٦ فصوص ثوم كبيره  ٥ فص حبهان ١ معلقة صغيرة كمون ناعم  ١ معلقةصغيرةملح طعام  ¼ معلقة صغيرة فلفل أسود مطحون  ١ معلقة صغيرة بهارات لحم  ½ ثمرة ليمون معصوره ١ قرن فلفل حراق  اخضر او احمر "اختياري" ½ كوب زيت نباتي  ١ معلقه لية خروف او دهن بيت الكلاوي  طريقة التحضير  : في طبق هنقطع الكبده شرايح صغيره جدا ونضيف عليها الملح والفلفل والبهارات والكمون والحبهان  وهنفرم الثوم ونضيفه كمان  في طاسه هنحط الزيت ونسخنه جامد   اول لما يسخن الزيت هننزل عليه مره واحده بالكبده المتبله ونضيف عليهم الدهنه  وهي بتسيح متقلقيش مع الزيت ،ولو مش حبينها ممكن نضيف معلقه سمنه بلدي او اي نوع تحبيه. هنشوحهم عشر دقائق ونضيف عصير اللمون  والفلفل الحراق  هتتقدم في عيش فينو مع اللمون والمخلل والفلفل الاخضر. سر من اسرار جمال سندوتش الكبده ،،،، لما تفتحي العيش  حطيه في الصوص بتاع الكبده "البهاريز" وبالف هنا 😊 ،،،،

🍩🍩 كحك العيد  🍩🍩 للكحك اكتر من وصفة وكلهم احلي من بعض وكل وصفه ليها طريقتها المميزه ونكهتها . في المقال دا هنتكلم عن الكحك بطريقة زمان ،طريقة الجدات الجمال بريحة الكحك والمحلب اللي بتبقا قالبه مش البيت بس لا الشارع كله . المكونات : ١ كيلو دقيق خاص بالحلويات  ٥٠٠ جم سمنه اي نوع بتحبيه  ١ معلقه كبيره سكر حبيبات  ١ معلقة كبيرة ريحة كحك ١ معلقة كبيرة محلب مطحون ناعم ١ معلقة كبيرة سمسم  ¼ معلقه ملح ٢٠٠ مل لبن حليب او ماء   ½ معلقه صغيرة خميره فوريه ٢ معلقه كبيرة ماء بارد حسب الحاجه  ١ معلقه صغيره روح موز اختياري ١ معلقة صغيرة فانيليا اختياري الحشو : ملبن            ½ ك ملبن           ٢ معلقة كبيرة سمسم          ١ معلقة كبيرة سمنه          ١ معلقة صغيرة روح موز كحك بالفستق          ¼ ك ملبن          ¼ ك فستق مطحون او مجروش ملحوظات مهمه  ♡ دي مكونات ثابته للكحك لكل طرق تحضيره مع اختلافات بسيطه .  ♡ الطريقه دي بتطلع كحك مظبوط ، اذا حابين الكحك ناعم ودايب اكتر ،هنزود ١٠٠ جم زبده مضروبه او معلقه

 الجلاش الحلو    الجلاش من اطباق الحلويات الشرقية الجميله والمحبوبه . يوجد من الجلاش العديد من الاطباق والأشكال يوجد الجلاش السيجار و الاصابع المحشيه ويوجد الدوائر بالفستق والمثلثات والعديد من الاشكال الرائعة . يمكن ايضا عمل الجلاش في صواني وهو ما يسمي البقلاوه ، ممكن ان تكون سادة او بالمكسرات او بالكاسترد او بالكريم باستري .  صينية جلاش حلو بحشوة المكسرات ناعم ومقرمش زي الجاهز بالظبط   المكونات  ٥٠٠ جم جلاش اي نوع  ٢٠٠ جم زبده  ١٠٠ مل شربات ثقيل بارد  الحشو ٤ معلقة كبيرة سوداني مطحون  ٤ معلقة كبيرة جوز الهند  ٢ معلقة كبيرة زبيب ٢ معلقة كبيرة سكر  ١ معلقةكبيرة قرفه ناعمه  طريقة التحضير  شاهد الفيديو للتفاصيل في كسروله هنضع الزبده ع نار متوسطه حتي تسيح فقط ويسهل الشغل بها. في صينية او قالب متوسط نضع معلقتين من الزبده السايحه ونوزعها في القالب كله جيدا .  هنرص ورق الجلاش فوق بعضه تقريبا ٥ : ٧ ورقات وبين كل ورقه نضع مقدار ملعقتين ونوزعهم بالفرشاه  . نضع الحشو ونوزعه في الصينيه . ثم نكرر الخطوات مع باقي ورق الجلاش ،نضع ٥ : ٧

عصير التمر الهندى من المشروبات الرمضانيه الاصيله ومحبوب للكبار والاطفال  هنقدمه انهارده بطريقة سهله وسريعة ومن غير خلاط  المكونات  المكونات ف صورة 100 جم تمر هندى معبأ "تقريبا قطعه اد قبضة الايد" 15 جم كركديه سودانى  200-250 جم سكر خشن   1 لتر ماء دافى  1 لتر ماء مثلج  الطريقة  فى الفيديو الطريقة بكل تفاصيلها وتكتها واسرارها وتعالى اقولك عليها  فى كسروله  او حله هنضيف التمر الهندى وعليه الكركديه . وهنضيف عليها كميه السكر حسب رغبتنا بس مش هيقل عن 200 جم . وهنحط الخليط على النار لحد مايغلى وهنوطي ونفضل نقلب لحد ماكل التمر الهندى مايفك وميبقاش فيه كلاكيع خالص . هنصفيه فى مصفه كويس ونفركه بمعلقه لحد ماينزل كل عصارته . هنضيف عليه لتر الماء المثلج و نقلبه تقليبه . ممكن نقله فى شفشق التقديم او اى ازازة ممكن تدخل التلاجه . ويقدم مثلج

القطايف كما لم تروها من قبل ,بطريقه سهله وجميله وكل اسرارها  المكونات  1 كوب دقيق متعدد الاغراض 1¼ كوب ماء 1 معلقه كبيره سكر ذرة ملح 1 معلقة صغيرة خميره فورية طريقة التحضير فى طبق عميق هننخل الدقيق . هنضيف الملح على الدقيق ونقلبه. فى كوبايه هندوب الميه والخميره والسكر مع بعض . هنضيفهم على الدقيق ونقلبهم كويس جدا . هتكون العجينه سايله تقريبا متقلقيش  . هنغطي الطبق نص ساعه . فى طاسه على النار يفضل تكون غير لاصقه "تيفال". هننقل العجين الى كوب او شفشق او الجهاز المخصص لعمل القطايف والبقلاوه او براد قديم . اول لما تسخن الطاسه هنبدأ نصب من العجينه مقدار معلقه كبيره لعمل حجم قطايف العصافيري. لو حبين نكبر الحجم طبعا نزود مقدار معلقه كمان او تلاته. هنكرر الخطوه دى مع كل الكميه . 💚الكميه دى عملت معايا 30  -35 قطعه من القطايف العصافيري