مطبخ مستكة

تقطيع الفراخ مع مستكه غير 🥰❤ دبابيس ،،، ممكن تتشوي باكتر من طريقه وممكن فجيتار ع طريقة مستكه. اوراك ،،،، صواني ومشوي و افكار مع الرز والشيش طاووق والحمام الكداب الصدور ،،، حدث ولا حرج ممكن مشوي بطرق كتير جدا ،وممكن بانيه ،تشيكن استربس ، تشيكن بوب كورن ، شاورما تركي وسوري ، والسور اند سويت طبق صيني ، تشيكن رولز ،وكوردون بلو ،،،،، الخ اجنحه ،،، بافلو وينجز ،اجنحه بانيه ، اجنحه بصوص الصويا والسمسم وغير طبعا وصفات الدجاج الكامله زي الدجاج المحشي بانواعه ،المندي ،البرياني ، الكبسه والتندوري وبرام الرز المعمر بالفراخ وصفات كتير جدا الفراخ من الاكلات المحبوبه بكل انواعها حتي البواقي بتاعتها بتدخل ف وصفات زي حشو الكريب والقطايف والسمبوسه زي الشاورما البيتي ،و والمكرونه النجرسكو وسندتشات الفراخ بالخس والبصل ومننساش اهم اكلتين تشيكن برجر والناجتس الجميل انتو بتحبو الفراخ ازاي ياريت تشاركوا معايا ❤🥰 #مطبخ_مستكه  #mestca_kitchen  #food

بلح الشام من الحلويات الجميله واللذيذه والمحبوبه للاطفال  المكونات  ١ كوب دقيق متعدد الأغراض  ١ كوب ماء  ¼ كوب زبده او الزيت ٢ بيضة  فانيليا  ١ معلقة كبيرة سكر ذرة ملح  ١ معلقه كبيره نشا ذرة او دقيق سيمولينا  طريقة التحضير  في حله علي النار هنسخن الميه والزبده مع بعض . اول لما تدوب الزبده هنضيف الدقيق والسكر والملح والنشا.  هندوبهم كويس جدا  لحد مايتكون كتله عجين متجانسه . ونتاكد ان مفيش كلاكيع خالص ولا دقيق. هننقلهم في طبق او بوله ازاز ونغطيهم لحد مايبردوا. هنضيف البيض واحده واحده ونتاكد ان العحينه اتشربتهم خالص . هننقل العجينه لقمع الحلواني ونستخدم الشكل الخاص بالبلح الشام سواء الرفيع او التخين ع حسب لو هنحشيه ولا لا . هيتم تحمير بلح الشام في زيت غزير بارد او دافيء لكن مش سخن . ممكن نرشه بالسكر اول لما يطلع او  هنسقيه شربات بارد يستحسن يكون طالع من الثلاجه  يعني بلح الشام سخن الشريات بارد ❤ وبالف هنا، ،

هننزل كل يوم اقتراح فكرة واحده للسحور  سحور ١٧ رمضان جبنه دمياطي ملح خفيف بيض مسلوق خضار شرايح والزبادي أساسي كل يوم  ❤❤❤❤❤❤❤❤❤❤❤❤❤❤❤ سحور ١٦ رمضان سندوتشات بيض باللانشون والجبنه الموتزاريللا وعصير ليمون بالنعناع والعسل والزبادي أساسي كل يوم  ❤❤❤❤❤❤❤❤❤❤❤❤❤❤❤ سحور ١٥ رمضان سجق اسكندراني بالبيض والخلطه عصير اناناس بالمانجو الزبادي أساسي كل يوم  ❤❤❤❤❤❤❤❤❤❤❤❤❤❤ سحور ١٤ رمضان  جبنه استانبولي  مكعبات بطيخ  والزبادي أساسي كل يوم  ❤❤❤❤❤❤❤❤❤❤❤❤❤❤❤ سحور ١٣ رمضان شرايح جبنه شيدر مقليه طبق فول بالتحبيشه  سلطه خضراء  والزبادي أساسي كل يوم  ❤❤❤❤❤❤❤❤❤❤❤❤❤❤❤ سحور ١٢ رمضان  سندوتشات بسطرمه بالبيض  والحلو حلاوه بالقشطه  والزبادي أساسي كل يوم  ❤❤❤❤❤❤❤❤❤❤❤❤❤❤❤ سحور يوم ١١ رمضان  بيض مدحرج بالسمنه زيتون اخضر  مكعبات جبنه فيتا والزبادي أساسي كل يوم  ❤❤❤❤❤❤❤❤❤❤❤❤❤❤❤ سحور ١٠ يوم رمضان 😘  سندوتشات برجر بيتي  خضار شرائح  زبادي أساسي كل يوم  ❤❤❤❤❤❤❤❤❤❤❤❤❤❤❤❤❤ سحور ٩يوم رمضان ❤ قرص فلاحي  بيض مسلوق مدحرج طبق جبنه استنابولي مكعبات بالفلفل  عصير جوافه بلبن  الزبادي أساسي كل يوم 😍🥰 ❤❤❤❤❤❤❤❤❤❤❤❤❤❤ سحور ٨ يوم

افكار ل فطار رمضان ع شان منحترش كتير  فطار ١٠ يوم رمضان ❤ الشهر بيجري اوووووي كل سنه وانتم طيبيين  هنعمل بشوربة اللحمه شويه محشي مشكل  محشي كوسا محشي باذنجان ابيض /اسود  محشي بصل محشي طماطم  محشي فلفل  محشي بطاطس  سمبوسه باللحم العصاج  سلطه ثوميه  عصير تمر هندي والكركديه  والحلو  لقمه القاضي  ❤❤❤❤❤❤❤❤❤❤❤❤❤❤❤❤ فطار  ٩ يوم رمضان ❤ لحمه مكعبات مسلوقة  شوربه  ارز ابيض سلطة فتوش  عصير قمر الدين  الحلو بقلاوه  ❤❤❤❤❤❤❤❤❤❤❤❤❤❤ فطار ٨ يوم رمضان  صينية بيتزا سي فود صينيه بيتزا مشكل جبن بطاطس شيبسي مايونيز وكاتشب كوكتيل مانجو بالاناناس والحلو كنافه بالشوكولاته  ❤❤❤❤❤❤❤❤❤❤❤❤❤❤❤ فطار ٧ يوم رمضان  صينية سمك سنجاري رز صياديه سلطة خضراء سلطه بنجر بالليمون تمر بلبن  والحلو قطايف بالنوتيللا  ❤❤❤❤❤❤❤❤❤❤❤❤❤❤❤ فطار ٦ يوم رمضان  صينية مكرونه بشاميل صدور فراخ مشويه خضار مشكل مقطع شرائح  خشاف  والحلو كنافه بالموز  ❤❤❤❤❤❤❤❤❤❤❤❤❤❤❤❤ فطار خامس يوم رمضان  شوربة بسله باللحمه مكعبات  رز بشعريه سلطة خيار بالزبادي  عصير تمر بلبن والحلو كنافه بالمانجو  ❤❤❤❤❤❤❤❤❤❤❤❤❤❤❤ فطار رابع يوم رمضان شرايح فراخ بانيه

كفتة الحاتي  🍲 نوع الوصفه : أطباق رئيسية 🍽عدد الأفراد : تكفي ٢ – ٤      ⏱ مدة التحضير : ١٥ دقيقة      ⏱ مدة الطهي  : ١٥ دقيقة       المكونات :  ٥٠٠ جم لحم مفروم خشن  ١ بصلة وسط مفرومه ناعمه  ١ معلقة بقدونس مفروم ١ معلقه صغيرة ملح طعام ١/٤ معلقة صغيرة فلفل أسود ١/٢ معلقه صغيرة بهارات لحمه " اختياري" رشة جوزة الطيب ١/٤ معلقه صغيرة بيكنج بودر   الطريقة    : في بوله نضع اللحمه المفرومه تكون مفرومه خشنه     نضع تفل البصل بعد تصفيته باستخدام مصفاه في البوله     نضيف البقدونس والملح والفلفل الأسود و والبهارات  ورشة جوزة الطيب             نخلطهم معا حتي تمام التجانس   قبل الطهي مباشرة نضيف البيكنج البودر وتعجن   تتشكل اصابع الكفته باستخدام اليد او علي سيخ   ولكن يفضل السيخ او الخله . في طاسه علي سطح البوتاجاز نضع معلقه الزيت وتسخن   نقوم بترتيب اصابع الكفته فيها   لا تقلب قبل أن يبدأ اللحم في التماسك   نبدء نقلب ونقلب جيدا حتي ت

خبز البريوش  من الوصفات اللذيذه ومحبوبه ومرتبطة بأعياد شم النسيم.  المكونات : ٥٠٠ جم دقيق متعدد الاستخدام ١٠٠ جم زبده ٢٠ جم خميرة فوريه  ٥٠ جم سكر حبيبات  ٣٠ جم لبن بودرة  ٢ بيضه  ½ معلقة صغيرة فانيليا  ذرة ملح  ماء او لبن للعجن  طريقة التحضير : ينخل الدقيق في بوله  نضيف الملح ونقلبهم نضيف الزبده وتكون في درجة حرارة الغرفة  والبيض والفانيليا  وندوب السكر والخميره في نص كوب ماء دافئ ويضاف الي الدقيق تتعجن كويس ونضيف الماء الي ان تتكون عجينه متماسكة  علي الرخامة تتدلك العجينه جيدا علي الاقل ١٠ دقائق  تترك العجينه لترتاح نصف ساعه ثم نبدء بتشكيلها هنقسم العجينه ١٥: ٢٠ قطعه حسب الحجم المطلوب  التشكيل :  هناخد كل قطعه ونفردها مستطيل وبعدين نلف المستطيل رول  وبعدين الرول دا هنلفه حلزون حول نفسه  وهنكرر الخطوات مع كل قطعه  ووان شاءالله بجهز فيديو للوصفه والتشكيل ع شانكم  وممكن طبعا تعملي اكتر من شكل او الضفائر  هنرص البريوش في الصاج  ونتركه حتي يخمر تقريبا ساعه  للوجه :  قبل الخبز هندهن الوش بصفار بيضه مخفوق برب

البطاطس البيوريه  نوع الوصفة  : سلطات ومقبلات  المكونات:  ١ ثمرة بطاطس مسلوقه  ¼ كوب حليب  ½ معلقة صغيرة ثوم بودرة ¼ معلقة صغيرة ملح طعام  ¼ معلقة صغيرة كمون ناعم  1 معلقة صغيرة زيت نباتي  طريقة التحضير: يتم هرس البطاطس المسلوقه جيدا حتي تصبح ناعمه . يتم اضافة الحليب ومزجهم جيدا حتي يتكون خليط كريمي . نضيف الملح والكمون والثوم البودره ونقلبهم جيدا ثم الزيت  وتعتبر تلك الوصفه من الوصفات الصحيه واللذيذه 

سلطة البطاطس بالثوم 😋 المكونات :  ١ ثمرة بطاطس  ½ معلقة صغيرة ملح طعام  ¼ معلقة صغيرة كمون مطحون  ١ فص ثوم مهروس او ½ معلقة صغيرة ثوم بودره  ١ معلقه كبيره زيت زيتون  ١ معلقة صغيرة بقدونس للتزيين  طريقة التحضير  تغسل البطاطس وتسلق ،،، هنتكلم في منشور منفصل عن طريقة سلق البطاطس . تهرس البطاطس بشوكه او هراسه البطاطس  يضاف الملح والكمون والثوم والزيت معا ثم تقلب جيدا . تزين بالبقدونس والشبت ،،وبالف هنا  تقدم مع السمك او الستيك 

اسهل طريقة لسلق البطاطس لتصبح جاهزه للوصفات المختلفة  💜💜💜💜💜💜💜💜💜💜💜💜💜💜💜💜💜💜💜💜💜💜💜💜  اول حاجه نختار الحجم الوسط او الصغيره لكي نسهل عملية السلق ونسرعها . نغسلها جيدا بالماء الجاري فقط ويمكن إستخدام فرشاه مخصصه للخضروات . في اناء عميق مملؤ بالماء المغلي نضيف ملعقه كبيرة ملح لكل كيلو بطاطس ،واهمية الملح هي اهميه علميه عن طريق الحفاظ علي الضغط الاسموزي للمعادن والفيتامينات الموجودة في البطاطس فلا تفقدهم في الماء اثناء الغليان ،وبهذا نكون حافظنا علي فوائد البطاطس . بجانب اعطاء طعم مستصاغ لها. اضافة معلقه كبيره خل أبيض وللخل اهميتين : الاولي تسريع عمليه التسويه.  الثانيه جعل البطاطس مقرمشه بعد القلي او التحمير.  ممكن اضافة فص ثوم للنكهه او فلفل اخضر او الاتنين. ممكن اضافه مكعب زبده حوالي ٢٠ جم دا اختياري وفي حالة الوصفات الدايت او سلق البطاطس للاطفال هنستغني عن اضافة الزبده . نضع البطاطس ونغطي القدر ،هتاخد تقريبا ساعه هنختبرها بصباع الايد بالضغط عليها ضغطه خفيفه تعطي ملمس الاسفنج وفي نفس الوقت متماسكه تكون البطاطس استوت . هنصفي الماء الم

عصائر رمضانية و صيفية  ١) مشروب الكركديه الساقع  ٢) مشروب التمر هندي  ٣) مشروب خروب مثلج ٤) كوكتيل الكركديه بالتمر الهندي  ٥) عصير المانجو  ٦) عصير برتقال منعش ٧) كوكتيل البرتقال والجزر المبشور  ٨) عصير الفراوله سموزي ٩) عصير الفراوله باللبن ١٠) عصير الموز باللبن خفيف  ١١) عصير الموز باللبن سموزي  ١٢) عصير الجوافه بالليمون المنعش  ١٣) عصير الجوافه باللبن  ١٤) كوكتيل الموز والمانجو  ١٥) كوكتيل الموز والفراوله  ١٦) كوكتيل جوافه والكركديه  ١٧) كوكتيل الجوافه و البنجر ١٨) كوكتيل العنب الاحمر و البرقوق الاحمر  ١٩) كوكتيل العنب الاحمر والرمان  ٢٠) عصير الكنتالوب  ٢١) عصير الكنتالوب باللبن  ٢٢) كوكتيل الكنتالوب والكيوي  ٢٣) كوكتيل الرمان والكيوي ٢٤) عصير الليمون الفريش ٢٥) عصير الليمون باللبن  ٢٦) عصير الليمون بالنعناع ٢٧) عصير اليوسفي الرهيب ٢٨) عصير البطيخ المنعش ٢٩) السوبيا  ٣٠) مشروب اللبن بالكاكاو المثلج  ٣١) عصير المشمشية " قمر الدين " ٣٢) عصير المشمش الفريش  ٣٣) عصير الخوخ  ٣٤) عصير

قائمة لاطباق جانبيه ومقبلات وسلطات مختلفة  علشان تبدعي طول الشهر الكريم و تكون سفرتك مشهيه  ١) سلطة خضراء ٢)سلطة كول سلو ٣) سلطة الفتوش  ٤) سلطة الخيار بالزبادي ٥) سلطه الخيار  بالجبنه الفيتا ٦) سلطة الجبنه القديمه بالزبادي  ٧) سلطة الطحينة  ٨)التومية ٩) سلطة المسطردة  ١٠) سلطة الرمان  ١١) سلطه الاناناس " سلطة هاواي الخضراء" ١٢) سلطة باذنجان  ١٣) سلطةبابا غنوج ١٤) سلطة البنجر واللمون ١٥) بيوريه البطاطس ١٦) سلطة البطاطس والثوم ١٧) سلطة البحر المتوسط الخضراء  ١٨) سلطة الجرجير ١٩) سمبوسك بحشوة الجبنه  ٢٠) سمبوسك بحشوه اللحمه المفرومه ٢١) سمبوسك بحشوه السوسيس والجبنه الفيتا ٢٢) سمبوسك بحشوه الجبنه الشيدر والذره الحلوه ٢٣) سلطة خضراء بالذرة الحلوه والفاصوليا الحمراء  ٢٤) سلطة الانشوجه  ٢٥) طبق الطماطم الكرزيه بالزيت و الكمون ٢٦) طبق الطماطم الشرائح بالحباش  ٢٧) طبق الباذنجان المقلي شرائح  ٢٨) طبق الباذنجان المقلي مكعبات ٢٩) طبق الفلفل الرومي المقلي  ٣٠) طبق البصل المشوي الشهي  ٣١)طبق القطائف بحشوه اللحم المعصج  ٣٢) المناقي

قائمة لاطباق حلويات شرقية وغربيه وغربي مستحدث خلي كل يوم طبق يحلي اليوم  ١) قطائف  بالمكسرات  ٢) قطائف بالكريمه  ٣) صينية كنافه بالمكسرات ٤) صينية كنافه بالقشده ٥) صينية كنافه بالتمر  ٦) صينية كنافه نابلسيه بالجبنه العكاوي ٧) صينية كنافه بالمانجو  ٨) صينية كنافه بالنوتيللا ٩) صينية كنافه بالكاكاو والمكسرات ١٠) صينية كنافه فورسيزون ١١) كنافه بورمه بالمكسرات ١٢) كنافه بورمه بالموز ١٣) كنافه بورمه بالموز والنوتيللا ١٤) كنافه عش البلبل  ١٥) كنافه كاسات بالفاكهه ١٦) كنافه كاسات بالمانجو ١٧) كنافه كاسات بالايس كريم  ١٨) كب كنافه مشكله  ١٩) رموش الست ٢٠) بغاشه بالقرفه والمكسرات  ٢١) صينية جلاش بالمكسرات  ٢٢) صينية جلاش بالباستري كريم ٢٣) اصابع جلاش سيجار ٢٤) بلح الشام  ٢٥) بلح الشام بالكريمه ٢٦) لقمة القاضي  ٢٧) عيش السرايا ٢٨) اصابع زينب ٢٩) صينية بسبوسة بالمكسرات ٣٠) صينية بسبوسه بالقشده ٣١) صينية مدلعه  ٣٢) اساور الست ٣٣) بريوش بمربي المشمش  ٣٤) براونيز بالايس كريم ٣٥) ارز بلبن بالفرن ٣٦) ارز بلبن بالايس كريم   ٣٧) مهلبية قمر ال

قرص بحشوة السكر بتاعت زمان    🥐نوع الوصفة : معجنات 💗💗💗💗💗 المكونات :  ٢ كوب دقيق متعدد الاغراض ٣٠٠ جم ٣ معلقة كبيرة سمنه  ٦٥ جرام ١ معلقة كبيرة خميره فوريه ١٠ جم ¼ معلقة صغيرة ملح طعام  ٢ معلقة صغيرة سكر حبيبات  ١ كوب زبادي ٧٥ جم لبن للعجن حسب ما تتماسك العجينه وتتماسك. الحشو :  • سكر  • او سكر مضاف عليه ملعقة كبيرة سمنه . • او سكر وقرفه  • او سكر وسوداني  • او سكر وقرفه وسوداني لتزيين الوجه :  سمسم محمص  او سمسم وحبة البركة  💗💗💗💗💗💗 طريقة التحضير :  ينخل الدقيق ونعمل حفرة بايدينا ونضيف الملح والزبادي والسمنه ،  السمنه تكون في درجة حرارة الغرفه   في كوب هندوب السكر والخميره ومعلقتين ميه ونتركهم خمس دقائق حتي تتفاعل الخميرة.   هنضيفهم علي الدقيق ونعجن كويس هنزود اللبن بحذر حسب العجينه ماتتحتاج بحيث تكون عجينه متماسكه .  هنسيب العجينه ترتاح ربع ساعه   بعد الربع ساعه نعمل العجينه رول طويل على الرخامه ونقوم بتقطيع احجام متساويه "10:12"قط

💗  كيك الشاي   💗   🍩 نوع الوصفة : حلويات غربية 🍴عدد الأفراد     : ١٢-٢٠ قطعه ⏱  مدة التحضير : ٣٠ دقيقة  ⏱  مدة الطهي    :   ٣٠ - ٤٠ دقيقة  💗💗💗💗💗💗💗💗💗💗 المكونات :  ٢ كوب دقيق  ١ كوب سكر ابيض ٤ بيض  فانيليا ٢٠ جم محسن كيك  ١/٤  كوب لبن او ماء بارد  ١/٤ كوب زيت نباتي فاتح" يفضل عباد شمس" ٧٠ جم زبادي " علبه صغيره"  💗💗💗💗💗💗💗💗💗💗 طريقة التحضير: في العجان الكهربائي نضع البيض والسكر والفانيليا والمحسن ونبدء التشغيل  يستمر الضرب ع الاقل ١٠ دقائق حتي الحصول علي قوام ثقيل يشبه الكريمه  ثم نضيف باقي المكونات تدريجيااا  نقوم بتشغيل العجان مرة اخري ١٠ دقائق  نبطن صينيه مقاس ٢٤ بورق زبده او نقوم بدهنها طبقه رقيقه من الزيت والدقيق  نضع الصينيه بالفرن مسبق التسخين على درجة حرارة 180c . نختبر الكيك بعود خله حتي نعرف ان استوت ام لا . نطفئ الفرن ونتركها قليلا ثم نخرجها . نقطعها شرائح او مكعبات زي مانحب ، ♡ يمكن أن نسقيها مياه غازيه او معلقتين شربات او تتقدم زي ماهي 😍 - طبعا

❤ طاجن ام علي ❤ ام علي من الحلويات الشرقية اللذيذه  حتي الاطفال بيحبوها والوانها جميله ومشهيه  وتعتبر ام علي من الوصفات التاريخيه وليها قصة جميله جدا . ممكن نحكيها لاولادنا ونشجعهم ع شان يقروا وياكلوا .☺😊 🥞 نوع الوصفة : حلويات 💛💛💛💛💛💛💛💛💛💛💛💛💛💛💛  المكونات :  ٣ طبقات رقاق ناشف  ٣ كوب حليب كامل الدسم  ١ معلقة كبيرة زبده او سمنه  ٣ معلقة كبيرة سكر حبيبات  قشدة ١ معلقه كبيرة زبيب ١ معلقه كبيرة جوز هند ١ معلقه كبيره سوداني  ربع ملعقة صغيرة فانيليا   💛💛💛💛💛💛💛💛💛💛💛💛💛💛💛 طريقة التحضير :  - في كسرول ندوب السكر والفانيليا مع الحليب . - في طاسه علي النار ندوب الزبده و ونضع الرقاق بعد تكسيره قطع صغيرة.  ♡ يمكن وضع الزبده ٥٠ ثانيه بالميكروويف ونخلطها مع الرقاق المكسر. في طبق نضع الرقاق بعد مايتشرب الزبده ،وانا بأفضل في الحلويات الزبده أي نوع متاح وإن لم يكن غير متوفر يمكن استخدام السمنه.  - نضيف الجوز الهند و الزبيب و المكسرات أي نوع متاح انا هنا استخدمت فول سوداني ونقلبهم جيدا ونوزعهم في الطواجن ، ♡

شوربة العدس واللون حكايه 🍲نوع الوصفة : أطباق رئيسية  🍽 عدد الأفراد :  تكفي لعمل ٣: ٤ اطباق  ⏱مدة التحضير: ١٠ دقائق  ⏱ مدة الطهي : ٣٠ دقيقه 💛💛💛💛💛💛💛💛💛💛💛💛💛💛💛 المكونات  :  ١ كوب عدس اصفر ١ ثمرة جزر  ١ ثمرة بصل  ١ ثمرة طماطم ١ معلقة كبيرة سمنه او زيت نباتي  ١ معلقة صغيرة ملح طعام  ١/٤ ملعقه صغيره كمون مطحون  ١ فص ثوم " اختياري" ١ ثمره بطاطس "اختياري" 💛💛💛💛💛💛💛💛💛💛💛💛💛💛 طريقة التحضير: - هنغسل العدس كويس جدا بالماء الجاري . - في حله هنضيف العدس ونقطع الطماطم والبصل مكعبات ونضيفهم وانا شخصيا مش بضيف البطاطس والثوم لكن لو حبيتم نكهات اكتر و شوربه تكون تقيله هتضيفوا البطاطس . - هنبشر الجزر ناعم ونضيفوا ع شان مياخدش وقت في التسويه علي عكس الطماطم والبصل طبعا . - هنغطيهم بالمياه ونضع الحله علي النار . - بعد نصف ساعه هنشوفهم لو لقيناها محتاجه ميه هنزود لو استوت يبقا نطفي النار  - بالهاند بلندر ع السخن هنطحن الشوربه كويس جدا  - ولازم ننقلها في حله تانيه ع شان ريحته متتاثرش بب

طريقة عمل الفراخ المشويه طعم الجاهزه 🍲 نوع الوصفة : أطباق رئيسية 🍽عدد الافراد    : تكفي ٤ افراد حسب حجم الفرخه  ⏱مدة التحضير: ٣٠ دقيقة  ⏱مدة الطهي   : ٦٠ دقيقة  المكونـات   :  فرخه وسط ابيض  ٣ معلقة كبيرة صلصة طماطم او كاتشب ٦ فصوص كبيره  ثوم ٣ معلقه كبيره زبده  ١ معلقه كبيره زيت  ١ معلقه كبيره خل أبيض  ٢ معلقه صغيره ملح طعام  ١ معلقه فلفل أسود مطحون ١ معلقه صغيره زنجبيل  ♡ اهم المكونات هم الثوم والصلصه والزنحبيل والزبده  طريقة التحضير:  يتم غسل الفرخه جيدا بالملح والليمون ثم شطفها بالماء. بالسكينة نعمل فتحات صغيره في الفرخه حتي تتشرب التتبيله وتصل الي جميع الانسجه.  لعمل التتبيله في اناء نضع الزبده والصلصه ونقلبهم سويا ،ثم تضيف الملح والفلفل والزنجبيل والخل.  نوزع التتبيله جيدا علي الفرخه من الداخل والخارج ونتركها ع الاقل ربع ساعه.  الطهي : باستخدام سيخ البوتاجاز والشوايه : مع اي نوع بوتاجاز بيبقا معاه سيخ هنثبت الفرخه فيه وهعملكم فيديو بطريقة تثبيتها ان شاء الله.  نظبط الفرن ونولع الشوايه ونفتح زرار الشوايه

البهارات :  هي ماده او مجموعة مواد تضاف علي الطعام لتعطي نكهات مميزه وتجعله مستصاغ . تلك المواد ممكن ان تكون لحاء شجر مثل القرفه او اوراق نبات مثل الروزماري ،او بذور مثل السمسم ، او ثمار مثل جوزه الطيب .... إلخ  تلك البهارات وعادة ماتكون طازجه  اما التوابل فهي كل ماهو جاف من تلك البهارات. عادة ماتكون للبهارات فوائد صحيه وقيم غذائية كبيره بجانب النكهات ،سوف نتحدث عنها في منشورات لاحقه. كما انها تميز الاكل والطبخات فكل بلد لها بهاراتها الخاصه كالبهار الهندي او الريحان الايطالي . البهارات هي وجه من اوجه حضارة الشعوب 

What a great ingredients! Both cinnamon and coffee in the same dreamy ,delicious mug  1 teaspoon coffee  1 teaspoon granted cinnamon  1 star of anise " optional " All in the pot . Please,try it now 😍

هنقدم انهارده مع بعض خلطة قهوه جربوها وهتعجبكم . المكونات : ١ معلقه بن ساده  ١ نجمه من اليانسون النجمي  ١ مكعب شوكولاته دارك  ٦٥ %  السكر حسب الرغبه  طبعا من غير سكر ،تعتبر من الوصفات الحارقه للدهون . نكهات مميزه وجميله ،،، جربوها 

هو مشروب اول لما تشوف شكل الكوباية كدا تحس بالروقان و الراحه ومستكنيص وانت بتدء تشرب  ، تحس انك لازم ترجع ضهرك لورا وتغمض عينيك وتاخد نفس عميق . الكركديه او العناب  المكونات :  ٣٥ جم كركديه جاف "سوداني"  ١/٢ لتر ماء مغلي  ١ كوب سكر حبيبات ١ لتر ماء مثلج  مكعبات ثلج الطريقه :  نضيف الكركديه علي الماء المغلي ونغطيهم ونتركهم ع الأقل نصف ساعه . ولحد لما يبردوا نضيف الماء المثلج والسكر حسب الرغبه . ♡ دايما الكركديه يفضل يبقا مسكر ومثلج 

Let's start cooking Not to be confused , and don't worry about the receipe Cup of coarse sugar = 200 g 1 cup of fine sugar = 160 g 1 cup of flour = 180 g 1 cup oats = 90 g Liquid ingredients 1 cup of water = 200 ml 1 cup of oil = 220 ml 1 cup butter = 240 ml Teaspoon "tea" = 5 ml Tablespoon "food" = 15 ml

دايما لمابنشوف وصفة وتعجبنا ،، بنجري نشوف المكونات بتاعتها وبنفرح لما بتكون المكونات كلها موجوده في البيت . لكن فجاءه بنلاقي حاجه توقفنا هي العيار او المقياس اللي هنشتغل بيه . ع شان كدا قولت اسهلها عليكم و جمعتلكم معيار المكونات الاساسيه بالكوب و الجرام :  تحويل الجرامات الي كوب المكونات الجافة    ١ كوب سكر خشن = ٢٠٠ جم  ١ كوب سكر ناعم  = ١٦٠ جم  ١ كوب دقيق        = ١٨٠ جم  ١ كوب شوفان      =  ٩٠ جم المكونات السائله   ١ كوب ماء          = ٢٠٠ مل   ١ كوب زيت        = ٢٢٠ مل  ١ كوب زبده        = ٢٤٠ مل  ملعقة صغيرة " شاي " = ٥  مل ملعقة كبيرة  " طعام " = ١٥ مل

سلطة كول سلو  🥑 نوع الوصفه : سلطات     المكونات :      نصف ثمرة كرنب أبيض      خس الكابتشو " اختياري"     جزر مبشور    ١ كوب زبادي     ٢ معلقة مايونيز    ٢ معلقة عسل نحل     ١ معلقه صغيرة خل     ربع معلقه صغيرة ملح     الطريقة :  - في بوله نضع المايونيز و الزبادي  ونضربهم . - نضيف علي الخليط العسل النحل والخل  - نقطع الكرنب والخس شرائح صغيرة ،ورقيقة ونضيفه الي الخليط  - ونضيف الجزر المبشور ونقلبهم جيدا  ♡ ممكن إستبدال الزبادي بالحليب ولا تقلقي من القوام السائل نسبيا . ♡ اضافة الملح لإبراز النكهات . ♡ يمكن استبدال العسل بالسكر الابيض 

سلطة خضراء 🥑 نوع الوصفة : سلطات،  اكل صحي  المكونات : ١ ثمرة طماطم  ١ ثمرة خيار  ١ معلقة كبيرة بقدونس  ١ معلقه عصير  صغيره ليمون مركز     الطريقة : تقطع الخضروات مكعبات متوسطة الحجم   ♡ السلطة الخضراء مهمه ومفيدة وغنية بالعناصر الغذائية . ♡ ممكن إضافة أي نوع خضار طازج الي الطبق علي سبيل المثال: فلفل أخضر، فلفل الوان، جزر مبشور ،بنجر ، خس الكابتشو ،رؤوس الفجل او الكرنب.