الفراخ المشويه زي طعم المحلات

طريقة عمل الفراخ المشويه طعم الجاهزه

🍲 نوع الوصفة: أطباق رئيسية

🍽عدد الافراد   : تكفي ٤ افراد حسب حجم الفرخه 

⏱مدة التحضير: ٣٠ دقيقة 

⏱مدة الطهي   : ٦٠ دقيقة 

المكونـات   : 

فرخه وسط ابيض 

٣ معلقة كبيرة صلصة طماطم او كاتشب

٦ فصوص كبيره  ثوم

٣ معلقه كبيره زبده 

١ معلقه كبيره زيت 

١ معلقه كبيره خل أبيض 

٢ معلقه صغيره ملح طعام 

١ معلقه فلفل أسود مطحون

١ معلقه صغيره زنجبيل 

♡ اهم المكونات هم الثوم والصلصه والزنحبيل والزبده

 طريقة التحضير: 

يتم غسل الفرخه جيدا بالملح والليمون ثم شطفها بالماء.

بالسكينة نعمل فتحات صغيره في الفرخه حتي تتشرب التتبيله وتصل الي جميع الانسجه.

 لعمل التتبيله في اناء نضع الزبده والصلصه ونقلبهم سويا ،ثم تضيف الملح والفلفل والزنجبيل والخل. 

نوزع التتبيله جيدا علي الفرخه من الداخل والخارج ونتركها ع الاقل ربع ساعه. 

الطهي :

باستخدام سيخ البوتاجاز والشوايه :

مع اي نوع بوتاجاز بيبقا معاه سيخ هنثبت الفرخه فيه وهعملكم فيديو بطريقة تثبيتها ان شاء الله. 

نظبط الفرن ونولع الشوايه ونفتح زرار الشوايه للتشغيل ونظبط التايمر علي ساعه وبس كدا .

الميزه هنا طريقة التقديم لان الفرخه بتبقا علي بعضها وواخده لون متساوي من كل ناحية .

 علي البوتاجاز في طاسه :

هنحتاج نقطع الفرخه ع شان نقدر نحطها في الطاسه ونوصل لدرجه التسويه المطلوبه .

هنسخن الطاسه جامد بحيث اول لما نحط الفرخه نسمع صوت الطشه .

نقلبها بعد ربع ساعه علي الوش التاني  ونسيبها ربع ساعه بردو ، 

وبعدين نغطيها بورق فويل خمس دقائق هتكون كدا استوت  واخدت لون جميل 

الميزه هنا طريقة التسويه اسرع من الفرن .

للحصول علي رائحة الفحم هنسخن قطعة فحم لدرجة الاحمرار ونحطها بماسك جانب الفرخه ونضع معلقه الزيت عليها ونغطي الطاسه جيدا ونتركها ٥ دقائق فقط 

،ثم تقدم بالف هنا.