شوربة العدس واللون حكاية
شوربة العدس واللون حكايه
🍲نوع الوصفة : أطباق رئيسية
🍽 عدد الأفراد : تكفي لعمل ٣: ٤ اطباق
⏱مدة التحضير: ١٠ دقائق
⏱ مدة الطهي : ٣٠ دقيقه
💛💛💛💛💛💛💛💛💛💛💛💛💛💛💛
المكونات :
١ كوب عدس اصفر
١ ثمرة جزر
١ ثمرة بصل
١ ثمرة طماطم
١ معلقة كبيرة سمنه او زيت نباتي
١ معلقة صغيرة ملح طعام
١/٤ ملعقه صغيره كمون مطحون
١ فص ثوم " اختياري"
١ ثمره بطاطس "اختياري"
💛💛💛💛💛💛💛💛💛💛💛💛💛💛
طريقة التحضير:
- هنغسل العدس كويس جدا بالماء الجاري .
- في حله هنضيف العدس ونقطع الطماطم والبصل مكعبات ونضيفهم وانا شخصيا مش بضيف البطاطس والثوم لكن لو حبيتم نكهات اكتر و شوربه تكون تقيله هتضيفوا البطاطس .
- هنبشر الجزر ناعم ونضيفوا ع شان مياخدش وقت في التسويه علي عكس الطماطم والبصل طبعا .
- هنغطيهم بالمياه ونضع الحله علي النار .
- بعد نصف ساعه هنشوفهم لو لقيناها محتاجه ميه هنزود لو استوت يبقا نطفي النار
- بالهاند بلندر ع السخن هنطحن الشوربه كويس جدا
- ولازم ننقلها في حله تانيه ع شان ريحته متتاثرش ببقايا الخضار والتسويه.
- في الحله التانيه دي هنضيف معلقه السمنه ولو بنعمل دايت يبقا هنبدله بمعلقه زيت لحد ما تسخن وننزل بالشوربه الجميله ونضيف الملح والكمون ونقلبهم كويس
- هنرجعهم علي النار غلوه واحده بس
- ونقدم بشرائح الخبز المحمص هنزل وصفته وطريقة تحضيره في منشور منفصل ،
- او بالشعريه
- واكيد كل مكان ليه طريقته في اكل شوربة العدس لكن الاكيد واللي مش هنختلف عليه انها من اجمل الشوربات .
- جربوه برشة زعتر للتجديد ونكهه جديده علي شوربة العدس ،،، بالف هنا
تعليقات
إرسال تعليق