ورقة لحمة بالخضار
ورقة اللحمة بالخضار او طاجن اللحمه بالخضار
تعتبر الوصفه دي من الوصفات الصحيه ،الغنية بالعناصر الغذائية والالياف .
تتميز بالالوان الرائعه الطبيعية المشهية جدا .
المكونات
لحم بتلو مكعبات
بطاطس
بصل
طماطم
فلفل اخضر
بسله
جزر
فاصوليا
٢ كوب ماء
٢ معلقة كبيرة زيت نباتي
التتبيله
ه فصوص حبهان
٧ عود قرنفل
١ عود قرفه خشب
٣ ورق لوري
رشة جوزة الطيب إختياري
٢ صغيرة ملح طعام
¼ معلقة صغيرة شطه ناعمه اختياري
½ معلقة صغيرة فلفل أسود مطحون اختياري
نجمه يانسون نجمي اختياري
هنحتاج لطاجن او صينية ونبطنه بورق فويل وهنقول ازاي .
طريقة التحضير
نغسل الخضار جيدا قبل التقشير ،ثم نقوم بتقشير الخضار المستخدم .
نبدأ بالبطاطس هنقطعها انصاف زي ماهو واضح في الصورة .
بعد كدا نقطع الكوسا باي شكل تحبوه ممكن دوائر او انصاف دوائر
.
هنقطع الفلفل الاخضر مكعبات ،فائدة الفلفل الاخضر هو الطعم والنكهه المميزه وبيشيل زفارة اللحمة.
هنقطع الطماطم مكعبات كمان متوسطة الحجم وناخد بالنا ع شان
متتهريش اثناء التسوية ،وتبقي مميزة بلونها الجميل.
نقوم بتقطيع البصل جوانح ونقلب الخضار بعد اضافة جزء من الملح المستخدم في الوصفه .
هنا اضافنا البسله والجزر والفاصوليا الخضراء.
هنضيف التوابل والملح علي اللحمه .
♡ اهم خطوه بقا هندعك التوابل واللحمه كويس جدا جدا ونسيبهم علي ما نجهز الخضار ونقطعه ونجهز القالب اللي هنشتغل فيه .
في صينية او قالب هنبطنها بورق قصدير بورقتين علي بعض ،طول الورقه مش اقل من متر مثلا ع شان نقدر نلفها كويس بطريقة لا تسمح بخروج السوائل من الورقه ،
لو طلعت السوائل دي هتنزل لقعر الصينية وتتحرق وممكن تغير ريحةالخضار فناخد بالنا كويس.
هنحط اللحمه الاول وبعدين نضيف عليها الخضار ونضيف معاهم الماء .
يفضل وضع الماء قبل التسوية ع شان لا نفتح عليها اثناء التسويه .
نبدء نغطيها باطراف ورق القصدير كويس ،نتاكد اننا كمرناها كويس جدا زي ماقولنا ع شان السوايل لا تخرج من الورقه .
طريقة الطهي
ممكن ان نضعها علي البوتاجاز حتي تغلي لمدة نصف ساعه ثم نهدي النار ويفضل وضع شياطة ان وجدت لمدة نصف ساعة .
- ممكن ان نضعها بالفرن يكون فرن عالي لمدة ساعة.
دا شكلها بعد مااستوت 😋😍
وبالف هنا،،،
تعليقات
إرسال تعليق