الكباب ‏

مين ميحبش الكباب او شرائح اللحمه المشويه علي الفحم .

للوصفه دي هنحتاج اما عرق فلتو او وش الفخدة بس يكون مدقوق ع شان تكون اللحمه طريه وفيها عصارة .

المكونات 

½ ك شرائح اللحم سواء فلتو او وش الفخذه.

١ معلقة صغيرة ملح 

١ معلقة صغيرة فلفل اسود

٣ ثمرة بصل  

رشة جوزة الطيب

معلقه كبيره بقدونس مفروم

الطريقة 

هندق شرائح اللحم سواء بالمطرقه او جنب السكينه او حتي بكنكه قهوه قديمه .

الغرض من دق اللحمه انها تخرج عصارتها فتكون طريه بعد ماتستوي مش ناشفه.

هنقطع البصل شرائح او جوانح المهم قطع كبيره. 

في كيس ثلاجة هنحط الشرائح والملح والبصل الجوانح والفلفل و رشة جوزة الطيب والبقدونس ونقفله كويس.

وبعدين نرجه ونخلط المكونات كويس .

ونشيله في التلاجه علي الاقل ٦ ساعات قبل الشوي .

هنحضر الشوايه ونرص شرائح اللحمه علي شبكة الشواية.

عشر دقائق لكل وجه وتصبح جاهزه وناضجة 😋💗.

ملحوظةبقا شرائح البصل في الوصفه هتتشوي وتتقدم كتزيين للطبق وطعمها بيبقا جميل جدا وممكن طبعا نضيف للتزيين الطماطم المشوية والفلفل المشوي .

🥰🥰🥰