خلطة المحشي بكل اسرارها وطعامتها
خلطة المحشي لكل انواع المحاشي.
هنعمل مع بعض خلطة المحشي بكل تكاتها واسرارها ،اللي تخلي المحشي خفيف وطعمه جميل وكمان سعرات حرارية قليله اللي كلنا بنخاف منها .
المحشي ممكن جدا يكون صحي وخفيف ويتاكل واحنا بنعمل الدايت مش هنحرم نفسنا ،هنعرف ازاي ......
💛💛💛💛💛💛💛💛💛💛💛💛💛💛💛💛💛
الخلطة ممكن نحشي بيها الممبار و البطاطس والكوسا والبتنجان سواء الاسود او الابيض والفلفل والبصل والطماطم واوراق البصل الاخضر .
وكمان نقدر نحشي بيها كل الورقيات اللي بنحبها زي
الكرنب - الخس - ورق اللفت - السلق - ورق التوت - وورق العنب .
💚💚💚💚💚💚💙💙💙💙💙💚💚💚💚💚💚
المكونات :
لحم معصج
١ ثمرة بصل مفروم ناعم
١ حزمه بقدونس
١ حزمة شبت
١ معلقه كبيره من اوراق النعناع المفروم
١ معلقه صغيره كمون ناعم
١ معلقه صغيرة كزبرة ناشفه ناعمه
٢ ثمرة طماطم كونكاسيه منزوعة الجلد والبذر
٤ معلقه كبيرة صلصه طماطم مسبقة التحضير
١ معلقه صغيرة ملح طعام
٢ كوب ارز مصري مغسول ومتصفي
١ معلقه كبيره زبده او سمنه فلاحي .
٢ كوب مرقه "شوربه"
💚💚💚💚💚💚💚💚💚💚💚💚💚💚💚💚💚
طريقة التحضير :
هنا يكون ني في ني يعني هنخلط المكونات في بولة كبيره مع بعضيها ونقلبهم كويس جدا .
* في الوصفه لم يتم تحديد كمية اللحم المفروم المعصج المستخدم ،بيكون ع حسب الرغبه طبعا ويعتبر اللحم المفروم مصدر البروتين في الوصفه بالتالي سيكون من الافضل زيادة الكميه اكثر من الاستغناء عنها .
💟 من الممكن تحضير الخلطه عن طريق تعصيج اللحم وتسبيكه مع عصير الطماطم والطماطم الكونكاسيه واضافة السمنه،،، ايضا طريقه جيده لاعداد خلطة المحشي ولكنها لا تصلح في حالة اتباع الحميات الغذائية .
تعليقات
إرسال تعليق